എച്ച്ടിസി ഡിസൈര്‍ 10 പ്രോ ഇന്ത്യൻ വിപണിയിൽ
ന്യൂഡൽഹി: എച്ച്.ടി.സിയുടെ പുതിയ സ്മാർട്ട് ഫോൺ ഡിസയർ പ്രോ ഇന്ന് ഇന്ത്യൻ വിപണിയിൽ അവതരിപ്പിച്ചു. ന്യൂഡൽഹിയിൽ വെച്ച് നടന്ന ചടങ്ങിലാണ് പുതിയ ഫോണിന്റെ ലോഞ്ച് കമ്പനി നിർവഹിച്ചത്.
5.5 ഇഞ്ചിന്റെ ഫുൾ എച്ച്.ഡി ഐ.പി എസ് ഡിസ്പ്ലേയാണ് ഡിസയർ പ്രോക്കുള്ളത്. ഗോറില്ല ഗ്ലാസിന്റെ സംരക്ഷണവും ഇൗ ഡിസ്പ്ലേക്കുണ്ട്. 400ppiയാണ് പിക്സൽ ഡെൻസിറ്റി. 1.8 ജിഗാഹെർഡിസിന്റെ ഒക്ടാകോർ മീഡിയടെകിന്റെതാണ് പ്രൊസസർ. രണ്ട് വേരിയൻറുകളിൽ ഫോൺ ലഭ്യമാവും. ആദ്യത്തേത് 3ജീ ബി റാമും 32 ജി ബി സ്റ്റോറേജുമുള്ള മോഡലാണ്. രണ്ടാമത്തെ വേരിയൻറിൽ 4 ജി ബി റാമും 128 ജി ബി സ്റ്റോറേജുമുണ്ടാവും. മെമ്മറി കാർഡിലുടെ ഫോണിെൻറ സ്റ്റോറേജ് 2 ടി ബി വരെ വർധിപ്പിക്കാം.
ബി. എസ്.ഐ സെൻസറോടു കൂടിയ 20 മെഗാപിക്സലിന്റെ പിൻകാമറയും 13 മെഗാപിക്സലിന്റെ മുൻകാമറയുമാണ് ഫോണിന്. 4 ജി എൽ.ടി.ഇ, എൻ.എഫ്.സി, വൈ ഫൈ 802, ജി.പി.എസ്/ എ ജി.പി.എസ്, ബ്ലൂടൂത്ത് v4.2 എന്നീ കണ്കടിവിറ്റി ഫീച്ചേഴ്സെല്ലാം ഫോണിൽ ലഭ്യമാണ്.