ആദ്യ ഏകദിനത്തില്‍ ഇന്ത്യക്ക് മൂന്നു വിക്കറ്റ് ജയം
പുണെ: ഇംഗ്ലണ്ടിനെതിരായ ഒന്നാം ഏകദിനത്തില്‍ ഇന്ത്യക്ക് മൂന്ന് വിക്കറ്റ് ജയം.
ക്യാപ്റ്റൻ കോഹ്ലി സെഞ്ച്വുറിക്ക് നേടി പുറത്തായശേഷം(122) 76 പന്തിൽ 120 റൺ അടിച്ചെടുത്ത കേദാർ ജാദവിൻറെ ഇന്നിങ്സാണ് ഇന്ത്യക്ക് മുന്നേറാനുള്ള ആത്മവിശ്വാസം നൽകിയത്. നേരത്തെ 93 പന്തില്‍ ഏഴു ഫോറിന്റെയും നാല് സിക്‌സിന്റെയും അകമ്പടിയോടെയാണ് കോഹ്ലി ശതകം പൂര്‍ത്തിയാക്കിയത്.
ഒാപ്പണർമാരായ ലോകേഷ് ശർമയും ധവാനും പരാജയപ്പെട്ടപ്പോൾ ആറാമനായിറങ്ങിയ ജാദവും ക്യാപ്റ്റനുമാണ് ഇന്ത്യൻ ഇന്നിങ്സിൻറെ നട്ടല്ലായത്. അഞ്ചാം വിക്കറ്റില്‍ ഒത്തു ചേര്‍ന്ന ഇരുവരും 20 ഓവറില്‍ 160 റണ്‍സിന്റെ കൂട്ടുകെട്ട് പടുത്തുയര്‍ത്തി.
നേരത്തെ ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇംഗ്ലണ്ട് നിശ്ചിത ഓവറില്‍ 350 റണ്‍സെടുത്തിരുന്നു. ജാസണ്‍ റോയ്, ജോ റൂട്ട്, ബെന്‍ സ്‌റ്റോക്ക്‌സ് എന്നിവര്‍ ഇംഗ്ലിഷ് നിരയിൽ അര്‍ധ സെഞ്ചുറി നേടി.